Материалдарды жіберу

Авторларға арналған нұсқаулық

Авторларды журналға материалдар жіберуге шақырамыз. Барлық материалдарды алдымен редактор журналдың мақсаттары мен тақырыптарына сәйкестігін бағалайды. Талаптарға сәйкес деп танылған жұмыстар рецензиялауға жіберіледі, содан кейін оларды қабылдау немесе қабылдамау туралы шешім қабылданады. Материалды ұсынбас бұрын, авторлар фотосуреттер, құжаттар және деректер жиынтығы сияқты материалға енгізілген кез келген элементтерді жариялауға рұқсат алуы керек. Берілген материалда көрсетілген барлық авторлар автор ретінде тізімге енуге келісім беруі керек. Қажет болған жағдайда зерттеу жүргізілетін елдің заңнамасының талаптарына сәйкес зерттеулерді тиісті этика комитеті мақұлдауы тиіс. Редактор берілген жұмыстан бас тартуы мүмкін. Материалды ұсынбас бұрын, зерттеу жоспары мен аргументтің құрылымдалғанына және дұрыс тұжырымдалғанына көз жеткізіңіз. Тақырып қысқа болуы керек, ал аннотация мәтіннің толық тәуелсіз бөлігі болуы керек. Бұл рецензенттердің мақаланы қарауға келісу ықтималдығын арттырады. Сіздің жұмысыңыз осы стандарттарға сәйкес келетініне көз жеткізген кезде, жұмысты жіберуге дайындау үшін төмендегі бақылау тізімін орындаңыз. 

Авторларға арналған ережелер
Ғылыми мақала – ғылыми зерттеудің, эксперименттік немесе аналитикалық қызметтің бастапқы, аралық немесе соңғы нәтижелерін көрсететін, бұрын жарияланбаған және жаңа авторлық әзірлемелерді, қорытындылар мен ұсыныстарды қамтитын мәтіндік материал.
Ғылыми журналда «Шәкәрім университетінің хабаршысы. Филология сериясы» қазақ, орыс, ағылшын, түрік тілдеріндегі қолжазбаларды қабылдайды. Журналдың жиілігі-тоқсанына 1 рет (жылына 4 Нөмір).
Мақала журналдың https://philological.vestnik.shakarim.kz/index.php/my/index сайтына (.doc, .docx, .rtf форматтарында) жүктеу арқылы электронды түрде ұсынылады. Порталмен жұмыс істеу үшін сайтқа тіркелу қажет.
Журналға мақала лингвистика, әдебиеттану, тіл және әдебиетті оқыту әдістемесі бағыты бойынша  қабылданады. 
Мақаланы жасырын рецензиялау (Double-blind review) үшін авторларға мақаланың екі нұсқасын ұсыну ұсынылады: біріншісі – авторлық мәліметтерімен, екіншісі – автордың мәліметінсіз.
Журналдың бір санында автор (қоса авторлықты қоса алғанда) екі мақаладан артық жариялай алмайды. Ұжымдық мақаланың авторларының саны 3 адамнан аспауы тиіс.

Мақаланы рәсімдеу талаптары: қаріп өлшемі – 12 (аңдатпа, тірек сөздер - 10, кесте мәтіні – 9-11), қаріп түрі – Times New Roman, жоларалық интервал – 1, бет жиектері – 2 см.
Мақаланың көлемі (атауы, авторлар туралы мәліметтер, аңдатпа, ескертпелер мен әдебиеттер тізімін есептемегенде) 2500 сөзден кем емес және 7000 сөзден аспауы тиіс.
Ғылыми мақаланың құрылымы:
-    ҒТАМР индексі бірінші жолдың сол жақ бөлігіне жазылады (ҒТАМР http://grnti.ru сілтемесі бойынша алынады).
-    Авторлар туралы мәліметтер бір жолдан кейін жолдың ортасына жазылады:
-    мақала автор(лар)ының аты-жөні (алдымен аты-жөні, содан кейін тегі – Т.С. Сайрамбаев);
-    автор(лар)дың жұмыс орны мен мекенжайы – ЖОО (ұйым) атауы;
-    ORCID нөмірі көрсетіледі (тіркелу нұсқаулығы: https://orcid.org/);
-    ел, қала, корреспондент автордың электрондық поштасының мекенжайы;
-    мақала атауы (тақырып) жолдың ортасына бас әріптермен жазылады. Ол мақаланың мәні мен мазмұнын ашып, оқырманның назарын аударуы тиіс. Тақырып қысқа әрі мазмұнды болуы керек. Тақырыпта сөздерді қысқартуға жол берілмейді.
-    аңдатпа – зерттеудің негізгі мәнін, әдістері мен нысандарын, ең маңызды нәтижелерін, маңыздылығын, ғылыми және практикалық құндылығын қысқаша баяндау. Көлемі – 150-300 сөз.
-    тірек сөздер – мақаланы іздеу және оның пәндік саласын анықтау үшін қолданылатын сөздер мен сөз тіркестері (кемінде 5-7 сөз).

Негізгі мәтін бір жолдан кейін беріледі:
-    Кіріспе 
-    Материалдар мен әдістер
-    Нәтижелер және талқылау
-    Қорытынды
-    Әдебиеттер
-    Қаржыландыру туралы ақпарат (бар болған жағдайда).
-    Мақаланың соңында автор(лар) туралы мәліметтер көрсетіледі: толық аты-жөні, ғылыми дәрежесі, ғылыми атағы, жұмыс орны, ұйым атауы, қала, ел, әр автордың e-mail және ORCID нөмірі.
-    Мақала атауы, аңдатпа және тірек сөздер мақала тілінен бөлек екі тілде (қазақ/орыс және ағылшын) беріледі. Егер мақала түрік тілінде болса, түрік тілімен қоса 4 тілде жазылады.