Сафуан Шаймерденов шығармаларындағы әйелдер бейнесінің интермәтіндік табиғаты
Кілт сөздер:
интермәтін, ұлттық болмыс, типология, С. Шаймерденов, қазақ әдебиеті, әйелдер бейнесі.Аңдатпа
Мақалада қаламгер Сафуан Шаймерденов шығармаларындағы әйелдер бейнесінің типологиясы интермәтін және ұлттық болмыс тұрғысынан талданады. Зерттеудің негізгі мақсаты – жазушы туындыларындағы әйел кейіпкерлерінің типологиялық ерекшеліктерін анықтап, олардың ұлттық болмысты бейнелеудегі рөлін ашу.
Әдебиеттегі әйелдер бейнесі – ұлттық болмысты жеткізудің маңызды құралдарының бірі. Қазақ прозасында әйел кейіпкерлері арқылы ұлттық құндылықтарды, рухани мұраларды және заман талабына сай бейімделуді бейнелеу бүгінгі әдеби зерттеулер үшін өзекті мәселелердің бірі. Шаймерденовтың әйел кейіпкерлері қазақ халқының дәстүрлі құндылықтары мен заман ағымындағы жаңашылдықты ұштастыра отырып, ұлттық болмыстың маңызды аспектілерін бейнелейді.
Суреткердің «Мезгіл», «Қарғаш», «Мәжнүн тал», «Инеш» сияқты көрнекті шығармаларындағы Бибігүл, Қарғаш, Әспет, Инеш бейнелері зерттеу нысаны ретінде қарастырылды. Зерттеуде контент-талдау, интермәтіндік талдау, типологиялық және лингвокогнитивтік әдістер қолданылды. Жазушының ұлттық болмысты жеткізуде қолданған көркемдік тәсілдері, кейіпкерлердің мінез-құлқы мен рухани әлемі кеңінен зерделенеді. Сонымен қатар жазушы С. Шаймерденов кейіпкерлерінің басқа әдеби туындылардағы ұқсас образдармен үндестігі (интермәтіндік байланысы) сараланды.
Мақала нәтижесінде әйелдер бейнесінің қазақ әдебиетіндегі ерекше типологиялық рөлі мен олардың ұлттық танымды қалыптастырудағы маңызы айқындалды. Зерттеу барысындағы ғылыми талдаулар қазақ әдебиетіндегі әйелдер бейнесінің көркемдік ерекшеліктерін тереңірек түсінуге және ұлттық болмыс мәселелерін жаңа қырынан қарастыруға мүмкіндік береді.
Қосымша файлдар
Жарияланды
Журналдың саны
Бөлім
Лицензия
Авторлық құқық (c) 2025 Журналдың редакциясы Қазақстан Республикасының авторлық құқық туралы заңын және тиісті халықаралық шарттарды басшылыққа алады. Авторлар өздерінің авторлық құқықтарын сақтайды және «Шәкәрім университетінің хабаршысы. «Тарих ғылымдары сериясы» журналына қолжазбаның алғашқы жариялану құқығығын береді. Автор журналға тиісті сілтеме жасаған жағдайда материалды кез келген тасымалдағышта және кез келген форматта көшіруге және таратуға құқылы. Оқырмандар мен пайдаланушылар жұмыстың авторы көрсетілген және осы журналға сілтеме берілген жағдайда материалды еркін көшіріп, тарата және қолдана алады. Авторлық құқық мақала жазуға елеулі үлес қосқан әрбір бірлескен автордың адалдығы мен жауапкершілігін білдіреді. Автор журналдың веб-сайтына тиісті сілтемені көрсеткен жағдайда өз басылымдарын институционалды немесе басқа қоймаларда сақтауға құқылы.
Бұл жұмыс Creative Commons Attribution-Коммерциялық емес 4.0 халықаралық лицензиясы.
Авторлық құқық мақала жазуға елеулі үлес қосқан әрбір бірлескен автордың адалдығы мен жауапкершілігін білдіреді.
Автор журналдың веб-сайтына тиісті сілтемені көрсеткен жағдайда өз басылымдарын институционалды немесе басқа қоймаларда сақтауға құқылы.
